شروط البوكس أوفس مالتي:
- الفلم يكون ذا معنى.
- نظيف قدر الإمكان.
- قصة جميلة وجذابة.
- إخراج الفلم والمؤثرات السمعية والبصرية قوية.
- يفضل أنه يبجي :).
- لا يوجد ترتيب .. كل الأفلام بالمرتبة الأولى :)
- لا يهم قديمة أو جديدة.
- البوكس أوفس يحتوي مسلسلات :)
Meet The Robinsons - 2007
- نظيف قدر الإمكان.
- قصة جميلة وجذابة.
- إخراج الفلم والمؤثرات السمعية والبصرية قوية.
- يفضل أنه يبجي :).
- لا يوجد ترتيب .. كل الأفلام بالمرتبة الأولى :)
- لا يهم قديمة أو جديدة.
- البوكس أوفس يحتوي مسلسلات :)
Meet The Robinsons - 2007
لحد يكولي طفولي رجاء، آني أحب الكارتونات وخصوصاً الراقية، الفلم كلش حلو، قصته وحبكته حلوة، تخيُل العالم المستقبلي، معاناة اليتيم، معاناة العبقري، يركز على فد قيمة جداً مهمة وهي القناعة.قصته عن ولد يبزع من مقابلات التبني الفاشلة "I won’t be rejected any more"، ويقرر يخترع جهاز يخلي يشوف امه الحقيقية اللي تركته أمام الملجأ، لكن يفشل العرض بسبب شخص حاقد يخرب الجهاز، وهذا الشخص جاي من المستقبل، وهو في الحقيقة زميله اللي بغرفة الملجأ اللي محد يتبناه ويكبر فاشل لأنه خسر مباراة بيسبول، وسبب خسارة المباراة أنه البطل كان شاعل الضوة يخترع بالليل ومخلة صديقه خطية ينام (كلش انقهرت عليه).
المهم ينتهي الفلم بأنه البطل يرجع للماضي، لكنه يفضل أنه ما يشوف أمه، ويعيش المستقبل المقدر له مهما كان.
أكثر جملة عجبتني من الفلم:
"from fail we learn, from success not so much!"
Fried Green Tomatoes - 1991
آخر فلم شفته، اسمه مو مشجع، لكني شفته حلو وبيه الكثير من المعاني، هوه بيه قصتين، وحدة في الحاضر ووحدة في الماضي، بطلة الحاضر تتعلم من قصة الماضي، التي تحكيها لها عجوز في ملجأ للمسنين، قصة صديقتين يموت أخو وحدة بيهم فتفقد معنى الحياة لكنهم الصديقتين وحدة تساعد الثانية ويتغلبون على الكثير من الصعاب ويتعلمون كثير من الحياة، ما أكدر ألخص القصة لأن يمكن تطلع سخيفة، لكن بدمجها بقصة الحاضر، وأسلوب الحديث والتصوير كله حلو، يابه إذا لكيتوه شوفوا مخسرانين :)Room 1408 - فلم رعب
تعجبني أفلام الرعب النظيفة وأقصد بالنظيفة أنه مو كلها دماية وأشياء تتقطع وتتطاير، مثل فلم silent hill وغيرها من الأفلام اللي الفلم كليته يلعب النفس، وبالأخير الواحد ميفتهم شنو القصة، لو كلش كلش تطلع فد لعنة، هذا الفلم بيه الرعب اللي اعتبره حقيقي، رعب الأشياء الغامضة اللي صحيح ممكن تصير وممكن تكون موجودة وإن كان تفسيرهم وتفسيرنا إلها يختلف.يتحدى البطل كل مكان له سمعة أنه بيه شبح، ويدخل غرفة الفندق الشهيرة اللي مات بيها كومة ناس، في أوضاع جداً غريبة، ويعيش الرعب لحظة بلحظة ويصير يحاول يطلع بس ميكدر يطلع، كأنما الغرفة صارت في عالم آخر، بعدين المفروض طلع بس أشو فجأة يطلع أنه جانت الغرفة دتعذبه بفكرة الخلاص وأنه انتهى الكابوس بينما بالحقيقة ما انتهى، لكن بالأخير ينتهي حقيقة، ويكدر يقضي على روح الغرفة بأنه يحرقها، ويرجع وياه دليل على ما عاشه في الغرفة (مو يطلع حلم لو ما أدري شنو من هاية الأشياء المحبطة).
Up - 2009
خلي نرجع للكارتون شوية، أووووووووووي هذا الولد البطل يخبل، خصوصاً أنه شفت الفلم أول ما نزل فشفته بالروسي :) بس سبتايتل إنجليزي، حلو يحجي روسي، المهم القصة كلللللللللللش حزينة بالبداية وواقعية، بس بعدين تأخذ مجرى خيالي، تبدأ القصة بالرجال الشايب من جان طفل وشلون تعرف على بنية وتشاركوا الكثير من الألعاب والهوايات والأشياء ثم كبروا وتزوجوا وتشاركوا الأحلام والأفكار، بعض الأحلام تحققت وبعضها لا، وشلون خطية ماتت، وواحد من أهم أحلامهم أنه يروحون على فد شلالات ويبنون بيتهم هناك، وبعدين الشايب يقرر أنه يحقق حلمهم حتى لو بعد وفاة مرته، وخصوصاً أنه كانوا راح يحطوه بملجأ عجزة وياخذون الأرض يسوون مكانها مشروع، فهوه نفخ نفافيخ وطير البيت، بس بالغلط إجة وياه الولد أبو الكشافة، وتصير شغلات حلوة ماكو داعي أخربها عليكم، بس انقهرت لأن ما كدر يخلي البيت يم الشلال حيث أنه اضطر يضحي بيه في سبيل ينقذ الولد (والحي أبقة من الميت مثل ما يكولون اخوننا المصريين)، بس الفلم بصراحة كللللللللللش حلو.
One litre-of-tears
نجي على المسلسلات، المسلسل ياباني، ومن وراه آني كلللللللللللللللللللللللللللش انعجبت باليابانيين وتعلمت ياباني (شوية) ويعني كلش كلش حبيتهم، خلي أحجي على اليابانيين قبل المسلسل، اليابانيين فد ناس خلوقين مؤدبين، يحافظون على العادات والتقاليد، وكل ما يمثل شخصيتهم وكيانهم، يحترمون الكبير، وعاداتهم المجتمعية كلش حلوة، كل شوية ينحنون تحية، شعب مو أذكى من عدنة، لكنهم مثابرين، ذووي عزيمة قوية، وهذا الخليط من العلاقات العائلية واحترام العادات والتقاليد، واحترام العلم والمثابرة و و و و و سووت منهم فد أسطورة.
المسلسل يتكون من 12 حلقة فقط، وهو عبارة عن قصة حقيقية مية بالمية، كتبتها البطلة بنفسها، ثم تم تحويلها لهذا المسلسل، تحكي معاناة بنية مع مرض جداً نادر، وهو اضمحلال المخيخ مدري النخاع المستطيل لأن نسيت ومو يمي هسه، المهم أنه الاضمحلال بدون سبب، وأنه بسبب المرض متكدر تحرك أطرافها، وتفقد قدراتها الواحدة تلو الأخرى، الحركة الطبيعية، ثم المشي، ثم الكتابة والنطق وأخيراً تموت بسبب عدم قدرتها على التنفس.
البنية مراهقة في بداية حياتها، وتتفاجأ بالمرض (لو أوروبية جان انتحرت) لكنها عانت من المرض يمكن 25 سنة، بصبر شديد، شافت شلون الناس تبتعد عنها وشلون الناس تنظرلها، اضطرت تغير مدرستها، ثم تترك حلمها بالدراسة، (لاحظوا أنها استمرت تدرس رغم أنها عملياً دتموت)، أثرت على كثير ناس في حياتها. أهلها حاولوا رغم بساطتهم بكل طاقتهم البحث عن علاج لكن العلاج غير موجود أصلاً. نرى معاناة الأهل مع البنية ومثابرتهم من أجل جعل أيامها أفضل. إخراج المسلسل جداً جميل، وبما أنه القصة حقيقية، فالحلقة 11 تحتاج باكيت كلينكس لأن كلش يبجي ويقهر.
المسلسل يتكون من 12 حلقة فقط، وهو عبارة عن قصة حقيقية مية بالمية، كتبتها البطلة بنفسها، ثم تم تحويلها لهذا المسلسل، تحكي معاناة بنية مع مرض جداً نادر، وهو اضمحلال المخيخ مدري النخاع المستطيل لأن نسيت ومو يمي هسه، المهم أنه الاضمحلال بدون سبب، وأنه بسبب المرض متكدر تحرك أطرافها، وتفقد قدراتها الواحدة تلو الأخرى، الحركة الطبيعية، ثم المشي، ثم الكتابة والنطق وأخيراً تموت بسبب عدم قدرتها على التنفس.
البنية مراهقة في بداية حياتها، وتتفاجأ بالمرض (لو أوروبية جان انتحرت) لكنها عانت من المرض يمكن 25 سنة، بصبر شديد، شافت شلون الناس تبتعد عنها وشلون الناس تنظرلها، اضطرت تغير مدرستها، ثم تترك حلمها بالدراسة، (لاحظوا أنها استمرت تدرس رغم أنها عملياً دتموت)، أثرت على كثير ناس في حياتها. أهلها حاولوا رغم بساطتهم بكل طاقتهم البحث عن علاج لكن العلاج غير موجود أصلاً. نرى معاناة الأهل مع البنية ومثابرتهم من أجل جعل أيامها أفضل. إخراج المسلسل جداً جميل، وبما أنه القصة حقيقية، فالحلقة 11 تحتاج باكيت كلينكس لأن كلش يبجي ويقهر.
الكتاب
الممثلة التي لعبت دور البطلة 
صاحبة القصة الحقيقية A beautiful mind - 2001
تبدأ القصة بطالب جامعي (جون ناش) اللي يخترع نظريات ومعادلات في الرياضيات، ومحصل على منحة لدخول جامعة برينستون، ويكون عنده صديق بالسكن، ورة فترة يصير أستاذ بالجامعة، ثم يجيه شخص من البنتاغون يطلب منه فك شفرة معينة من عملاء سوفييت، ثم يصير عميل سري يفك الشفرات ويبحث عنها، والغريب انه في كل شي ينظر إله كان يشوف شفرات، بعد فترة نكتشف أنه رفيق جون وابنه أخته ومُرسل البنتاغون والكثير جداً من الأماكن والأحداث ما هي إلا خيالات، خيالات ملموسة مؤذية بالنسبة له، لكن بالنسبة لمن حوله ليست سوى أشياء غير واقعية، تحاول زوجته (التي كانت طالبة عنده) مساعدته والعيش معه في فترة العلاج، لكن العلاج كان يؤثر على قواه العقلية وتحكمه بنفسه، فترك التدريس واضطرت هي أن تعمل وتهتم بابنها لأنها ما تكدر تتركه يم الأب، وقفت بجانبه ساندته ودعمته، طبعاً جون بصعوبة شديدة صدق أنه مصاب بانفصام الشخصية، وأن كل ما عاشه خلال فترات طويلة من حياته كان تخيلات. من أجل زوجته وحياته كان يتجاهل الخيالات التي استمرت تلاحقه، في نهاية الفلم يتم تكريم جون لحصوله على جائزة نوبل في الاقتصاد عن أحد نظرياته.القصة حقيقية، لكن ما أضاف لمسة عميقة على الفلم وأعجبني جداً هو لقطة القلم كما أسميها. ففي بداية الفلم عندما يلتحق جون بالجامعة يشاهد الأساتذة في استراحة خاصة بهم لا يدخلها غيرهم، يكرمون أحد الأساتذة لنيله شيئاً ما، فيضعون جميعاً أقلامهم أمامه في تقليد رمزي، وفي نهاية الفلم، يأتي الأساتذة إلى جون ناش بعد نيله جائزة نوبل ويضعون أمامه أقلامهم. رمزية اللقطة أعجبتني جداً.
تمثيل راسل كرو بدييييييييييع ومتقن وأعطى الفلم جمالية ومصداقية.
Lady Oscar - rose of versailles
كليتكم شايفين هذا الكارتون اللي طلع كثير على التلفزيون العراقي، بالنسبة لي شاهدته فقط السنة الماضية، وشاهدت النسختين العربية واليابانية، الحقيقة أنه النسخة العربية أصلح للأطفال، لكن النسخة اليابانية رهيبة، أولاً أبداً لا تناسب الأطفال، قصتها جداً معقدة، بس حلوة، وهي تأريخ لأحداث الثورة الفرنسية اللي كلش أحترمها رغم وجهها البشع الذي ظهر بعدين (واطلعت عليه عن طريق رواية تشالز ديكنز -قصة مدينتين- وترة جداً حلوة وأنصحكم تقروها). المهم أني فهمت كيف نشأت الثورة، كيف اجتمع الشعب على شيء، يعني بالكوة هسه نريد نجمع الشعب العراقي على شي منكدر، فكيف وشلوووون اجتمع الشعب الفرنسي على الثورة، وليش لما انكتل من عدهم ناس ما خافوا وتركوا كلشي؟؟
القصة تخلينا نعيش الأحداث لحظة بلحظة عن طريق النبلاء والفقراء ومغني الشارع (اللي دوره مهم في شرح الأحداث)، والجنود والضباط في الجيش، فدشي كلش حلو بصراحة، والحقيقة دورت حتى أعرف قصة أوسكار هل هي حقيقية لو لا، خصوصاً أنه قضية القلادة مشهورة تاريخياً، لكني ما لكيت معلومة مؤكدة، أكو أقاويل لكن مو شي مؤكد.
تعرفوها القصة إنتو، بس أنصحكم شوفوا النسخة اليابانية لأن كلش احلى وأعمق وأنضج.
Last samurai
من جديد مع اليابانيين الأعزاء :)
نيثن جندي أمريكي قاتل الهنود الحمر (ميكعدون راحة ذولي الأمريكان دائماً يدوروون على أحد يأذوه!!) المهم أنه متعقد من ورة الحرب، وتقديراً من صديقه لأنه يعني رجل قضة عمره خدمه من أجل الحرية والسلام وغيره المهم أنه كله تعال صير مستشار للأمبراطور الياباني ودرب جيشه حتى يكدر يواجه المتمردين اللي ضده. طبعاً أكو صفقة أسلحة أمريكية مدمرة على الخلفية بين الأمريكان والامبراطور الياباني، بس عذروني هنا بعد ما أكدر أسكت ....... أكول مو أكو فد تشابه خطير بين حاملي لواء السلام اللي بالفلم (اللي ديبيعون السلاح) مع حاملي لواء السلام في العراق الآن؟؟؟؟؟؟؟ والأحلة مصدّري المستشارين (لأن هنا أكو فد بلاء اسمه المستشارين الأجانب وكلامهم قرآن استغفر الله، بس لاحظوا شنو نوع المستشارين.... سكرانين ومعقدين!) ...
المهم نرجع للفلم، أخونة الأمريكي يروح يحاول يدرب الجيش الامبراطوري، لكن تصير مواجهة قبل ما يكونون متحضرين يقع على أثرها أسير في يد المتمردين، ويعيش وياهم شتاء كامل، ويشوفهم شلون يتعاملون وشلون يدربون أطفالهم على الشجاعة والقوة والمهارات القتالية من همه صغار، وشلون الكل يشتغل، وإنهم مجتمع متكامل، ويشوف شلون أنه رئيسهم واحد متفتح ويفتهم ومثقف، ويفهم أنه قضيتهم هيه فقط الحفاظ على إرث الساموراي، العادات والتقاليد، الأخلاقيات، وأنه رئيس المتمردين بس يريد أنه الامبراطور يصير رجال وميخلي الأجانب يتدخلون بالحكم، بل يحكم بينهم هوه وبأخلاقياته وعقليته وعاداته، وما ينصاع للأفكار الدخيلة.
ملاحظة خارج الفلم: السؤال لماذا تحارب أمريكا كل ما له تاريخ؟ كل من تمسك بالحضارة والإرث الأخلاقي والعادات والتقاليد وتعتبرها بالية ولا تحترمها لأحد؟ أعتقد الجواب لأنهم هم بلا تاريخ، ولا حضارة ولا جذور عريقة!!
شي ثاني، نقطة خلاف الساموراي مع الإمبراطور كانت أنه الفنون القتالية امر مهم لبناء الرجال، ولحماية النفس والبلد، لكن الإمبراطور كان يسمع كلام الأمريكان اللي كللوه ماكو داعي أدرب الجسد، فقط اشتروا من عدنة سلاح. وطبعاً هيه نظرية خاطئة، فالقوة البشرية مهمة جداً أيضاً.
نرد نرجع للفلم، مو أكوللكم عجبني لأن أفكاره قوية :)
الأمريكي تعجبه أفكار الساموراي، يحاول يخلي تفاهم بينهم وبين الامبراطور، لكن الإمبراطور مو رجال، وبالتالي يحركه وزيره الخائن بالتعاون مع الأمريكان، وتصير حرب بين الساموراي وبين جيش الإمبراطور اللي لا يملك قوة قتالية ولا شجاعة، لكنهم عدهم سلاح قاتل فتاك يقتل من مسافات بعيدة، ورغم الخطط والترتيبات إلا أنه الساموراي ينهزمون بالأخير، وحتى جيش الإمبراطور ينحني إجلالاً لشجاعة رجال الساموراي.
ينتهي الفلم بأنه الإمبراطور يصحى على نفسه ولله الحمد والشكر، وبعديش، بس المهم أنه انتبه للحقيقة، ونسيت أكول انه رئيس المتمردين الساموراي هو معلم الإمبراطور.
كلش حلو وخربته عليكم بس هم شوفوه.
كليتكم شايفين هذا الكارتون اللي طلع كثير على التلفزيون العراقي، بالنسبة لي شاهدته فقط السنة الماضية، وشاهدت النسختين العربية واليابانية، الحقيقة أنه النسخة العربية أصلح للأطفال، لكن النسخة اليابانية رهيبة، أولاً أبداً لا تناسب الأطفال، قصتها جداً معقدة، بس حلوة، وهي تأريخ لأحداث الثورة الفرنسية اللي كلش أحترمها رغم وجهها البشع الذي ظهر بعدين (واطلعت عليه عن طريق رواية تشالز ديكنز -قصة مدينتين- وترة جداً حلوة وأنصحكم تقروها). المهم أني فهمت كيف نشأت الثورة، كيف اجتمع الشعب على شيء، يعني بالكوة هسه نريد نجمع الشعب العراقي على شي منكدر، فكيف وشلوووون اجتمع الشعب الفرنسي على الثورة، وليش لما انكتل من عدهم ناس ما خافوا وتركوا كلشي؟؟القصة تخلينا نعيش الأحداث لحظة بلحظة عن طريق النبلاء والفقراء ومغني الشارع (اللي دوره مهم في شرح الأحداث)، والجنود والضباط في الجيش، فدشي كلش حلو بصراحة، والحقيقة دورت حتى أعرف قصة أوسكار هل هي حقيقية لو لا، خصوصاً أنه قضية القلادة مشهورة تاريخياً، لكني ما لكيت معلومة مؤكدة، أكو أقاويل لكن مو شي مؤكد.
تعرفوها القصة إنتو، بس أنصحكم شوفوا النسخة اليابانية لأن كلش احلى وأعمق وأنضج.
Last samurai
من جديد مع اليابانيين الأعزاء :)نيثن جندي أمريكي قاتل الهنود الحمر (ميكعدون راحة ذولي الأمريكان دائماً يدوروون على أحد يأذوه!!) المهم أنه متعقد من ورة الحرب، وتقديراً من صديقه لأنه يعني رجل قضة عمره خدمه من أجل الحرية والسلام وغيره المهم أنه كله تعال صير مستشار للأمبراطور الياباني ودرب جيشه حتى يكدر يواجه المتمردين اللي ضده. طبعاً أكو صفقة أسلحة أمريكية مدمرة على الخلفية بين الأمريكان والامبراطور الياباني، بس عذروني هنا بعد ما أكدر أسكت ....... أكول مو أكو فد تشابه خطير بين حاملي لواء السلام اللي بالفلم (اللي ديبيعون السلاح) مع حاملي لواء السلام في العراق الآن؟؟؟؟؟؟؟ والأحلة مصدّري المستشارين (لأن هنا أكو فد بلاء اسمه المستشارين الأجانب وكلامهم قرآن استغفر الله، بس لاحظوا شنو نوع المستشارين.... سكرانين ومعقدين!) ...
المهم نرجع للفلم، أخونة الأمريكي يروح يحاول يدرب الجيش الامبراطوري، لكن تصير مواجهة قبل ما يكونون متحضرين يقع على أثرها أسير في يد المتمردين، ويعيش وياهم شتاء كامل، ويشوفهم شلون يتعاملون وشلون يدربون أطفالهم على الشجاعة والقوة والمهارات القتالية من همه صغار، وشلون الكل يشتغل، وإنهم مجتمع متكامل، ويشوف شلون أنه رئيسهم واحد متفتح ويفتهم ومثقف، ويفهم أنه قضيتهم هيه فقط الحفاظ على إرث الساموراي، العادات والتقاليد، الأخلاقيات، وأنه رئيس المتمردين بس يريد أنه الامبراطور يصير رجال وميخلي الأجانب يتدخلون بالحكم، بل يحكم بينهم هوه وبأخلاقياته وعقليته وعاداته، وما ينصاع للأفكار الدخيلة.
ملاحظة خارج الفلم: السؤال لماذا تحارب أمريكا كل ما له تاريخ؟ كل من تمسك بالحضارة والإرث الأخلاقي والعادات والتقاليد وتعتبرها بالية ولا تحترمها لأحد؟ أعتقد الجواب لأنهم هم بلا تاريخ، ولا حضارة ولا جذور عريقة!!
شي ثاني، نقطة خلاف الساموراي مع الإمبراطور كانت أنه الفنون القتالية امر مهم لبناء الرجال، ولحماية النفس والبلد، لكن الإمبراطور كان يسمع كلام الأمريكان اللي كللوه ماكو داعي أدرب الجسد، فقط اشتروا من عدنة سلاح. وطبعاً هيه نظرية خاطئة، فالقوة البشرية مهمة جداً أيضاً.
نرد نرجع للفلم، مو أكوللكم عجبني لأن أفكاره قوية :)
الأمريكي تعجبه أفكار الساموراي، يحاول يخلي تفاهم بينهم وبين الامبراطور، لكن الإمبراطور مو رجال، وبالتالي يحركه وزيره الخائن بالتعاون مع الأمريكان، وتصير حرب بين الساموراي وبين جيش الإمبراطور اللي لا يملك قوة قتالية ولا شجاعة، لكنهم عدهم سلاح قاتل فتاك يقتل من مسافات بعيدة، ورغم الخطط والترتيبات إلا أنه الساموراي ينهزمون بالأخير، وحتى جيش الإمبراطور ينحني إجلالاً لشجاعة رجال الساموراي.
ينتهي الفلم بأنه الإمبراطور يصحى على نفسه ولله الحمد والشكر، وبعديش، بس المهم أنه انتبه للحقيقة، ونسيت أكول انه رئيس المتمردين الساموراي هو معلم الإمبراطور.
كلش حلو وخربته عليكم بس هم شوفوه.
Robots
فلم خيالي كلش حلوة، عجبتني شغلة يشترون الجاهل ويركبوه (باعتبارهم روبوتات)، يدور الفلم حول قيميتين:
1- الإنسان لازم يكون مثابر وميتقاعس ولو شاف كل الناس حوله تيأس، لازم يحاول حتى يحقق حلمه، يقاوم كلشي يحاول يكبله، وينطلق.
2- الابن مربط أحلام الوالد، وهوه اللي يوكف يم أبوه من يكبر وهوه اللي يرفع راسه ويساعده.
الولد الروبوت يخترع روبوت صغير ويريد يروح يقابل المخترع العظيم، لكنه يلكي واحد طماع وهمه الفلوس والربح أكثر من الاختراع أو التشجيع على الكريتفتي والإبداع، والضحية همه خطية الروبوتات القديمة اللي بعد ما يسوولهم قطع غيار، لكنه يقود -بمعاونة أصدقائه - ثورة روبوتية ضد الشرير، ويرجعون المخترع الكبير لحالته ولمجده.
Disney's Cinderella 3 - A twist in Time
الجزء الثالث من أسطورة سندريلا يحطم الأسطورة نفسها، فبينما تتدرب الفتيات على لبس أحذية زجاج من أجل يوم حفلة الأمير يأتي هذا الفلم ليحطم أسطورة الحذاء، ويؤكد على أنه الأمير ما كان من السخافة بحيث يتزوج وحدة من أجل حذاءها (رغم انه الناس يسووها هاليومين)، لكن روح سندريلا الطيبة والرقيقة هيه اللي خلته يحبها ويتزوجها، ولذلك لمة مرت الأب أخذت العصا السحرية ورادت الأمير يتزوج بنتها بالكوة، ما صار الزواج، ورجع سبحان الله حب سندريلا الطيبة.
فلم خيالي كلش حلوة، عجبتني شغلة يشترون الجاهل ويركبوه (باعتبارهم روبوتات)، يدور الفلم حول قيميتين:1- الإنسان لازم يكون مثابر وميتقاعس ولو شاف كل الناس حوله تيأس، لازم يحاول حتى يحقق حلمه، يقاوم كلشي يحاول يكبله، وينطلق.
2- الابن مربط أحلام الوالد، وهوه اللي يوكف يم أبوه من يكبر وهوه اللي يرفع راسه ويساعده.
الولد الروبوت يخترع روبوت صغير ويريد يروح يقابل المخترع العظيم، لكنه يلكي واحد طماع وهمه الفلوس والربح أكثر من الاختراع أو التشجيع على الكريتفتي والإبداع، والضحية همه خطية الروبوتات القديمة اللي بعد ما يسوولهم قطع غيار، لكنه يقود -بمعاونة أصدقائه - ثورة روبوتية ضد الشرير، ويرجعون المخترع الكبير لحالته ولمجده.
Disney's Cinderella 3 - A twist in Time
الجزء الثالث من أسطورة سندريلا يحطم الأسطورة نفسها، فبينما تتدرب الفتيات على لبس أحذية زجاج من أجل يوم حفلة الأمير يأتي هذا الفلم ليحطم أسطورة الحذاء، ويؤكد على أنه الأمير ما كان من السخافة بحيث يتزوج وحدة من أجل حذاءها (رغم انه الناس يسووها هاليومين)، لكن روح سندريلا الطيبة والرقيقة هيه اللي خلته يحبها ويتزوجها، ولذلك لمة مرت الأب أخذت العصا السحرية ورادت الأمير يتزوج بنتها بالكوة، ما صار الزواج، ورجع سبحان الله حب سندريلا الطيبة.
يعني تكرار للقصة الأصلية مع تغيير الأحداث :)
.jpg)
