أنا و Alias

تعرفون Alias؟
هذا مسلسل بوليسي بطلته بنية تكمز وتضرب وتتجسس ؟
هسه شجاب أليس على الموضوع؟
هوه آني من الناس اللي يؤمنون انه التلفزيون ما إله لزمة بالحياة ، بس لمن الواحد يريد ياكل حتى لا يكابل الحايط يقعد يسولف وياه .
كل اللي ينشاف على التلفزيون عندي، بس أشوفه شوكت ما أريد ، ولمن يخطر على بالي آني مو بكيف أهل التلفزيون .
المهم فبالصدفة طلعت اللي عندي وجان أشوف أليس ، كعدت أباوعها ، وكل شوية أكول والله احنا هم هيجي !
زين شلون ؟؟
هل آني أشتغل بagency مثلاًَ؟؟
ههههههههههههههههههههههههههه
عجبتني الشغلة ، وخصوصاً أنه آني أحب أتخيل أشياء حتى يساعدني أنه أتغلب على صعوبات الحياة ، يعني أستمتع بالعمل بدل ما أشعر أنه ثقيل الدم .
زين .. صحيح احنا مو بإيجنسي ، لكن اسمنة Agents وتحديداً آني : Agent 2967 ، لمن ندخل للمكان اللي نشتغل بيه ، نمر عبر ثلاثة أبواب تحتاج أكسس كارد ( أو بطاقة دخول أمنية مغناطيسية ) لعبورها ، الأولى للسيارة ، والثانية والثالثة للبشر ، بحيث ولا نملة تفوت المكان بالغلط!
بالداخل لمن يبدأ الشغل ، يومياً أول شي عدنا بريفنج ، briefing حتى يكولولنا شنو أكو شي غريب اليوم ، وعلى شنو المفروض نركز ، وشنو المفروض نجمع من معلومات، مثل ما بإليس يسوون بريفنج حتى يكولولهم شنو المهمة ، والهدف و..و..و..و..و.
زين الفرق أنه البريفنج مالتهم بقاعة اجتماعات وعلى كراسي ، وكدام كل واحد كومبيوتر ، وملف وخبصة ، بينما احنا نوقف على رجلينا ربع ساعة أو أكثر حسب الأوفيسر اللي ينطي البريفنج ، لأن إذا واحد عربي راحت علينا ، يبقى يحجي إلى أن اطك عروق رجلينا ، وطبعاً بالأخير إما ميكول شي أو يكول فدشي ينقال بربع دقيقة ( مع ملاحظة أنه أبداً ميسكت) !!!!
بعديييييييييييييين تبدأ عملية البحث ، عن شنو ؟؟؟
اشطحوا بخيالكم ، باعتبار احنا agents ويعني على أساس شغلنا مهم ..
خاف عبالكم مجرمين ، حرامية ، متسللين ما أدري شنو ؟؟
لالالالا .. فدشي أهم ..
الحقيقة أنه احنا نكعد نبحث عن ....
عنننننننننن ...
كرسيييييييييييييي
إي والله ..
هذا اللي الواحد يغطس بيه ، وهذا اللي من أحد يرتاج عليه يرجع ليورة ، واللاخ اليدة مالته واكعة ، أما اللي بعده فهو ناطط ليكدام مما لا يسمح بالجلوس عليه ، وأكو اللي من نكعد عليه يصير يرجع ويتقدم ويسوي شغلات مو طبيعية ، المهم بما انه احنا البنات نجي الصبح ، فنصيبنا نصيب الأسد ، نختار اللي نريده ، وأحسن الموجود تعبان ! هههههههههههه المهم ، نجي على مكان الكعدة لليوم ، لأن احنا في بيئة متغيرة مو كل واحد إله مكتبه (صدك متهجولون ) المهم نلكة مكان ونقعد ، ونحط إيدنا على الماوس والكيبورد ، وتلللللللللللللعب نفسنه ، لأن عادة تكون أكو ريحة جكاير قاتلة - لا اعتذار للمدخنين - ، ونحاول نمسح بديتول شي ، المهم يمشي الحال .
يعني احنا مثل أليس ، بس الفرق احنا ما نكفخ ونضرب جقلمبات ، لأن احنا العقول المفكرة للمنظمة خخخخخخخخخخخخخخخخخخ عقول مفكرة ههههههههه
إي نجي على المكان نفسه : القاعة اللي نشتغل بيهة عبارة عن المبنى كليته ، قصدي المبنى عبارة عن قاعة وحدة وكبيرة جداً ، وهي مغلقة ، وبالتالي فاحنا نعيد تنفس نفس الهواء يومياً ولمدة غير محدودة ، وبالتالي نفس الجراثيم والبكتيريا والأشياء البهيجة الأخرى .
أكو نصف طابق فوك ، المنظر من فوق كأنما شرفة (بالكونة) تطل على خلية نحل ، لأن احنا نكعد على كلستر ، الكلستر مثل الوردة ، وكومة ورد ، وكومة ناس ، وهووووووووووووووسة!
زين ، نجي على القسم مالتنا ، احنا راسنا بالكومبيوتر ونشتغل ونهلك ، والتيم ليدر أو الأوفسر ، يمرون علينا ، عاقدين كفيهم وراء ظهورهم ( عود على أساس جادين كلش) ، ومكشرين ، ويمشون ويصيحون quickly.. quickly
شوية ويجيبون سياط وياهم ، ويلهبون بيه ظهورنا ، وآني من يمر واحد ، أقول في سري ، لااااااااااااااا ، الرحمة .. الرحمة ..
بعيداً عن المزاح ..
والله خطية المعتقلين !!
خطية اللي جانوا يعتقلوهم بسيبيريا ، بلي هدوم ، بين جدران من الثلج.
خطية المعتقلين بجوانتانامو وببوكا وأبو غريب ووزارة الصحة والداخلية وغيرها من المعتقلات الرهيبة التي علمنا بها والتي لم نعلم ..
الله يفك أسرهم ويصبرهم ويثبتهم ياااااااااااااارب.
إي وهاهية ما راح أحجيلكم شنو نسوي بالشغل، لأن فدشي توب سيكرت هههههههههههههههههههه

فتكم بعافية