حنيـــــــن

اليوم كلش مشتاقة للعراق ..
لمن المطر بلل الطرمة وطلعت ريحة التراب المبلل، رجف قلبي، هاية ريحة بيت جدو لمن نشطف الطرمة.
بابا جاب خبز أفغاني، ريحة الخبز ذكرتني بخبز بيبي الله يرحمهة اللي جنة نكعد على ريحته الصبح مع فارق الشكل والطعم طبعاً.
العصر كعدت ضايجة، ما عندي شي أسوي، اشتهيت كعدة العصر ببيت جدو، الخالات وبنات الخالات، والهوسة، السوالف، التين الفرش اللي حايشة جدو من الشجرة، والركي الأحمر الحلو (مو الفاهي مثل هنا)، كعدة المرجوحة، والجو اللطيف رغم أنه احنة بيوليو أو أغسطس، يفوت واحد من الخوال يسلم ويضحك ويانة شوية، ويروح يكعد يم جدو، يجي خالو العسكري وبكل بهاء وكبرياء وأنفة ووقفة منتصبة يسلم علينه، و(يعرفني بنفسه باعتبار أني لابد ما أذكره) أموت من القهر لكن أخفي قهري بابتسامة كلهة سعادة لأني فعلاً سعيدة بمن حولي، وأتمنى أن تطول الدقيقة للأبد، يدخل خالي الطبيب، وتبدأ خالتي تصف له أعراض ألامها، وهو يمازحها ويخفف عنها، يدق الجرس فنعرف أنه أحد الشباب نتراكض نحن البنات للداخل، ويبقون الخالات، ماكو لا كهرباء لا تلفزيون لا كومبيوتر بس الحياة من أجمل أجمل ما يكون ..
نلعب أونو على ضوة اللالة، بحيث الأزرق ميبين من الأخضر!

من رحنة لراوة، رغم صعوبة الحياة بالمزرعة، مرت عمي تحلب البقرة، ومرت عمي اللخ تخض الشجوة دتطلع الزبد، الركي من يجيبوه يفجخوه فجخ بلي سكين، الأكل كليته دهن بحيث معدتنه متحملته ومرضنة، سبحنة بالساقية، النومة عالسطح اللي بلي سياج، يعني هيجي الواحد كبل للكاع، الكعدة من الفجر و شلون شمس، تخبل تجنن ..

يعني البارحة ضحكت بس جنت ضايجة ليش؟؟
جنت دا أشوف صور لبرهومي، فكلت: هذا برهومي هنا حيل مكيف.
هذا اندار عليه بعصبية وكال: اسكتي! آني مو مكيف (بضم الميم) إنتي تلفزيون (على أساس رجعلي المسبة!)
ضحكت من رده، بس انقهرت عليه، على الأقل آني شفت شي، هوه كلشي مشاف.

ليش الناس تعتقد أنه احنة كاعدين يم بير نفط ونطلع من عنده ونبيع، وعايشين بنعيم وسعادة وما ناقصنة شي؟
يعني ألف الحمدلله والشكر على كل حال، والحمد لله والشكر على كل نعمة، بس ترة مثل ما اللي بالعراق أكو أشياء منغصة عيشتهم احنة هم.
صحيح الحمد لله الإمارات ما قصرت ويانة، بصرف النظر عن كل التصعيبات اللي صارت أخير شي، واللي العراقيين أنفسهم هم الصوج بيهة، أقصد العراقيين اللي فاتوا للبلد وسوودوا وجوهنة.
رغم ذلك ما أكدر أكول إني أشعر أن الإمارات هي وطني وبلدي (باعتبار الوطن هو المكان الذي ننتمي إليه ونعيش فيه) فآني عشت بالإمارات لكني لا أنتمي لها.

زين ولا حتى العراق بلدي، لأني ما عشت بيه، ولا أعرف عنه شي، حالي حال أي طالب درس جغرافية وتاريخ باجتهاد!
نمط الحياة، الناس، التعامل ، العيشة ..
آني أريد أعيش بالعراق اللي شفته سنة ال 2000، وأريد أعيش بي من آني صغيرة..
أعرف نو وي باك، وحتى لو تحسن وضع العراق ما راح يرجع مثل ما جان قبل.
زين شلوووووون؟؟
يعني لا هنا لا هناك ..
ماكو مكان من راح أكعد بيه راح أشعر براحة وأكول إي هنا كانت ذكرياتي ، وهنا أصول أهلي وأجدادي، وهنا مستقبلي، وهنا حياتي ؟؟

أعرف أغلب اللي ديقرون راح يكولون شكد بطرانة، وشنهالحجي الغير مفهوم، وأكو أحد كاعد بالإمارات ويحجي هيج؟ هاية أكيد دتبعد عين .
بس والله إنتو متدرون ..
متدرون شنو الالم والفراغ اللي بقلوبنة، فدشي هيجي صدك اللي كال: مقطوع من شجرة، يعني كأنما ماكو أرض يمشي عليهة الواحد، كأنما كاعدة أخوض بالبحر، أصارع الموج، وموجة ورة موجة، بقوة تضربني، تريد توكعني، وآني صامدة، ودا أمشي، أحياناً رجلي تغوص بالرمل ، أحياناً أدوس على حجارة مؤذية، أحياناً أحط رجلي تطلع بالهوة ويطلع ماكو كاع ..
كل مرة دا أحاول أكوم ..
ودا أكوم..
ودا أرجع أمشي ..
بس تعبت .. تعبت حييييييييييل .. أريد شوية أكعد، أريد أسترخي ، المشكلة من أكعد ثانية وحدة راح تغطيني الموجة، وأختنك وأموت ..

اكتئبتوا مو؟؟
عذروني بس جان لازم أفضفض ..
واخير شي أخليكم وية هالرابط (علاوي ابني كبر):
الرابط

وهذا الشعر الغنائي:

Little Wonders
Lyrics by: Rob Thomas

let it go,
let it roll right off your shoulder
don’t you know
the hardest part is over
let it in,
let your clarity define you
in the end
we will only just remember how it feels

our lives are made
in these small hours
these little wonders,
these twists & turns of fate
time falls away,
but these small hours,
these small hours still remain

let it slide,
let your troubles fall behind you
let it shine
until you feel it all around you
and i don’t mind
if it’s me you need to turn to
we’ll get by,
it’s the heart that really matters in the end

all of my regret
will wash away some how
but i can not forget
the way i feel right now

in these small hours
these little wonders
these twists & turns of fate
time falls away but these small hours
with these small hours, still remain,
they still remain
these little wonders
these twists & turns of fate
time falls away
but these small hours
these little wonders still remain