Not on my window :)

لا لا لا مو على الشباك يعني هيجي أكون مصختها، بس الحقيقة بيتنة صاير خان جغان محد بقة ما إجة !

طبعاً الصورة الأولى الأماية ..

والثانية الجهال تقريباً أربعة، المشكلة أنهم ممبينيين، مستحين يا عيني، ومثل ما تشوفون بس وبر أو زبريش بس مو ريش ..

الأب ماكو لو الله يرحمه لو يشتغل طول اليوم (كما هو الوضع في الإمارات) ويرجع آخر الليل تعبان خطية ما بيه حيل ينام يم الجهال وهوستهم فينام بغير عش !! طبعاًَ هذا الاستنتاج من المراقبة الدائمة لضيوفنة ..

الله يحفظهم خطية ..

أحلة منظر لمن الأماية تأكلهم، سبحان الله، شلون تعرف يا نوع مناسب لعمرهم؟؟ شلون تأكلهم بدون ما تجرحهم؟؟ سبحان الله ..

جان صورتهم ياكلون .. المشكلة إلى أن أجيب الدرج وأصعد تكون طارت خطية :)