أدري تأخرت عليكم .. بس ترة طكيت الصورة يمكن قبل أسبوع ..المهم .. جماعتنة على غفلة كبروا .. ما شاء الله .. سبحان الله الواحد ميتخيل أنه الأيام هيجي مرت ..
هذا واحد منهم .. اللاخ طار من إجيت أصور .. تلاحظون ؟؟ ريش وخبصة !! ولا عبالك قبل جم يوم جان صغير وما عنده ريشه وحدة!
بالنسبة لراسه فما أدري يمكن هوه الولد أشقر .. يمكن صابغ على المودة مالت شباب هاليومين !!
المهم أمه ادورله على عروسه .. وهالله هالله بيهة .. دلوهة على خوش ناس مو تكولون !
سبحان الله ..
وهكذا تدور الحياة ..
باجر عكبة يجيب مرته ويجي يمنة وأحجيلكم عليهم عود ^_^
4 التعليقات:
سبحان الله
عبالك البارحة شفنه الصوره الي قبلها!
اشقر و امه ادورله عروسه! هو ليش بده يشتغل؟ كمل دراسه؟
يله .. ما علينا .. امه ادره بي و اجتياجاته لان دا اشوفه بعده صغير
ههههههه
شكراً
مو بالله .. سبحان الله بسرعة كبروا!
مو تدرين إحنة بزمن صعب، الدراسة بكومة فلوس والشغل يرادله واسطه، وأمه مقتدره، والبيت موجود فقررت تزوجه!
هوه أكيد العمر ينطي حكمة بس خطية مو العمر ديجري متدرين باجر عكبة اطيره سيارة!
هههههههههههههههه يسعدني جداً مرورك
ماشاء الله يتربى بعزك زهورة :D
عقبال ما تشوفين عياله و عيال عياله ..
لي سوابق مع العصافير كان عند أمي عصفورين و عمري 3 سنين تقول إني خنقتهم :( .. ماأذكر أنا طبعاًبس عاد تقول إني ذبحتهم على طريقة و من الحب ما قتل :$
هههههههههههههه من الحب ما قتل!!
وآني هم جان عندي صوصين وآني صغيرة، ومتصورة وياهم الله يرحمهم .. الحقيقة يعني ما أدري شلون يموتون، وهم برهومي قبل كم أسبوع دفن واحد، بس عاد ذاك هوه انتحر من فوك المكتبة خطية ..
لا تحرمينا مرورك :)
إرسال تعليق