آي لايفوووو I love you

أيها العراق الحبيب .. آي لايفووووو على كولة برهومي .. وهي معناها آي لف يو :)

http://saminkie.blogspot.com/2009/05/lightening.html

لمة قريت هذا الموضوع بعد ما أتحمل ..

خنكتني العبرة ..

بالفعل شاغت روحي ..

بتاريخ 1-7-2009 أكون رسمياً كملت تسع سنوات على آخر مرة رحت بيها للعراق .. آخر مرة شافت بيها عيوني بغداد !

ليش هوه كم 9 سنوات أكو بعمرنة؟؟

أريد أروح هسه ..

والله والله والله لو ما بنية وما أكدر أروح وحدي إلا هسه أشيل جنطتي وأروح .. بس زيارة .. بس شوفة .. الله يخليكم ..

شعور ما أكدر أوصفه في قلبي .. حنين شديد يقطع قلبي .. كنت أقنع نفسي أنه إذا أروح بس راح أنقهر على الحال اللي صار عليه العراق .. لكن بعد ما قريت هذا الكلام .. العراق اللي طول عمري أحلم بيه .. أسواق أدبية على العادة القديمة .. مثل أسواق عكاظ والبصرة اللي نشوفها بالمسلسلات التاريخية واللي نقرة عنها بالكتب ..

ناس تقرأ شعر ..

ندوات عن كتاب ..

كتب قديمة .. صور عراقية ..

عراقيين ..

نهر .. كراسي قديمة .. رياجيل كبار ..

موسيقى عراقية قديمة ..

أغاني عراقية قديمة بحياتي ما سامعتها ولا أعرف عنها ..

ناس تشرب جاي .. سمعتوا صوت الخاشوكة تضرب بالاستكان ؟؟

ناس تلعب دومنة ............

على البحيرة - في الشارقة - بالقرب من مسجد النور، لمة جان الجو طيب .. في كثير من الأحيان يكون مجموعة من الرياجيل العراقيين كبار في السن يلعبون دومنة، ويكرزون حب، يعجبني أوكف أتفرج عليهم ..

ما أكدر أتحكم بدقات قلبي .. أحسة ينتفض .. يريد يطلع من أضلاعي ..

يريد يطلعله جناحات ويطير ..

ويروح لهناااااااااااااااااااك .. لبيت جدو (بما أنه المكان الوحيد اللي أعرفه) .. أريد أفتر ببغداد .. أريد أزور كل مكان .. أريد عيوني تصير كامرة حية وآذاني تصير مسجل ..أريد أوكف الزمن حتة أشوف كلشي وألاحظ كلشي .. أتمعن بكلشي ..
اللي يريد يكول مخبلة خلي يكول .. كولوا عني مخبلة بس أخذوني للعراق .. الله يخليكم