Mohamed Shohaib
محمد شعيب
زميل العمل الذكي المجتهد دائم الابتسامة ..
الذي قهر عجزه الجسدي بإبداعه العقلي ..
تم اختياره "عميل الأسبوع" الأسبوع الماضي ، شكراً له على جهده وإصراره وحسن أدائه في العمل ..
هنيئاً لمحمد شعيب على هذه الروح العالية ، وعلى هذا التطلع الدائم لنصف الكوب الممتلئ ، ومحاولة تطوير نفسه الدائمة ..
بالمناسبة في أوقات مختلفة ، وعندما يستشكل علي أمر وأذهب لسؤال المسؤول ، فإن حصل وكان شعيب هناك فإنه عادة ما يشير علي بشيء أجربه قبل أن أفعل ما يقول المسؤول لأن نصائحه دائماً فعالة ..
مبرووووك محمد شعيب وإلى الأمام دائماً
6 التعليقات:
هاي الزلم الزينة
مبروك لمحمد شعيب وعلى كولة ابو الشعر
لم ار في عيوب الناس عيبا
كنقص القادرين على الكمال
صح لسانك ..
بيت الشعر زاد من قيمة الموضوع ..
شكراً
ها بالمناسبة احنة هم رفعنة راس العراق، وصاروا يسمونة "العراق المصغر"، لأن الأسبوع الوراه طلعت آني، و الأسبوع الوراه وفاء، البنتين العراقيتين الوحيدتين بالمشروع :)
بصراحة حسيته التزام أنه ابيض وجه بلدي ^_^
الله يبارك بيج ويبارك بوفاء
هاي الكوادر اللي لازم تاخذ الخبرة الكافية والكفاءة والدراسة الكافية وقبل كل شي جرعات الإيمان اللا نهائية وبالتالي راح يكون عدنة المجتمع اللي نكدر نكول انه راح نرجع نقود العراق بناس على قدر التحديات اللي راح نبتلى بيهة، لان مثل ما تعرفين انه المرء يبتلى على قدر دينة، فكيف بالمرء إذا كانت حياته وعمله وخبراته المكتسبة كلهة في سبيل احياء مجتمع في سبيل الله؟
اكيد راح يكون عندة قيمة عند رب العالمين جداً جبيرة
أو هكذا هو تصوري
والله اعلم
شكرا خيتي زهرة دائما تفتحين قريحتي يمكن لأن اني احب أمور المجتمع والسياسة والاقتصاد ودائما احب اربطهم ببعض، ولأنه غالباً كتاباتج تدور حول هذي المكونات الاساسية للتحول اللي نترجاه، مع اعترافي انه اكو طرق اخرى للتغيير مثل ما كلتي في مرة سابقة، بس اني دائما احب انه يكون التغيير على كل الانطقة ومن كل الطرق حتى عندما يحين وقته راح يكون مثل السيل الذي لا يمكن ايقافه ان شاء الله
اقري كتاب حلو اسمة واقعنا المعاصر لمحمد قطب، اني بس قريت ملخص عنه ويقال انه مجاوب عن أغلب الأسئلة اللي تدور في خلد الشباب المسلم في كل الميداين، وهسة راح اروح اشتري إذا الله راد، متوفر في مكتبة دبي للتوزيع اللي بالشارقة
وفيك بارك الله ..
أهم شي أن تكون "حياته وعمله وخبراته المكتسبة كلهة في سبيل احياء مجتمع في سبيل الله" إن شاء الله يجعل نياتنا خالصة لوجهه الكريم.
وإن شاء الله نرجع للعراق ونطرد منه كل ظالم مغتصب محتل معتدي، ونرجعله كل عالم، رجل دين، رجل خير، شخص صالح، ونجعل من العراق بإذن الله ومن كل الدول الإسلامية، نجعل منهم كلهم بلدان إسلامية حقيقة تطبق الدين وتعيش عليه بخير ورفاه.
أكيد إن شاء الله الثورة من تبدأ لازم راح يبدأ التغيير في كل الميادين, بس قبل هذه النقطة راح نشوف تغيير في أشياء معينة فقط، ثم تتوالى التغييرات، وينهار جدار الظلم والغباء، ومثل ما كلت يكون كالسيل الذي لا يمكن إيقافه.
طبعاً كلمة السيل خلتني أتخيل أنه وصلنة هالمرحلة، وتخيلته يمشي بكل مكان وينظف كل الأماكن من الخطايا والشرور.
يصير إن شاء الله.
أحاول إن شاء الله أقرأ الكتاب ، بس أخلص العسكرية العربية الإسلامية مالت محمود خطاب.
عفية على محمد شعيب، الله يوفقه يا رب
و عفية عليكم، أي عفية هيجي نرفع راسنا بيكم..
شنو هذا الكتاب أبو الحسن؟ أشو شوقتني أقراه
تقبلوا تحياتي
تسلمين عيني ..
هم الطلاب الشاطرين والأوائل بدراستهم يرفعون الراس مثلج مو شطورة خاتون؟
لازم نشعر بالمسؤولية تجاه كونة سفراء لبلدنة، حتى هم شوية نعدل من برستيجنة اللي خربطوه بعض الأشكال ال.... اللي يكولون إنهم عراقيين!
إرسال تعليق