بَـــــــــــــــــــرَد

هذا اليوم - أقصد البارحة - السابع والعشرين من مارس عام 2009 هو يوم تاريخي لأنه أول مرة أشوف البرد !

بمناسبة أنه يوم 28-3-2009 يوم إجازة عندي، فصدف أنه جنت كاعدة ، وإذا بي أسمع أشياء تضرب ضرب على الجينكو مالت الجيران، وجيراننا بالمناسبة جان عدهم عرس (تحت المطر) المهم فكلت : أهوووووووو كاموا يدبجون فوك السطوح !!! ترة بالغوا !!

لكن الضرب توالى وصار عبالك دك طبول ، كمزت على الشباك لأشاهد أجمل منظر رأيته في حياتي ، الحديقة كلهة نقط بيضاء تبين حتة بالظلمة!

ركضت على الباب ، وإذا بالقصف والركع ، برق ورعد وبرد ، كومة برد ، وأشياء تضرب الأرض وتتكسر وتتطاير وتضربنة ، يجنن يجنن ، ورة شوية وكف البَرَد وطارت تمطر بشدة.

جمييييييييييييييييييييل :)

الفيديو مظلم بس البرد مبين يتطاير والصوت وحدة يكفي (بس حتى تشوفون البرد شوفوا الفلم بالهاي كوالتي)






9 التعليقات:

غير معرف يقول...

احنا بالعراق نسمي البرد ( حالوب ) لو هم هاي ما علموج اهلج

يكلون وكعت سنون العجوز.. يقصدون بالعجوز الشتاء
على أساس انه الشتاء انتهى فوقع الحالوب

زهرة الراوي يقول...

1 - الحمد لله أن أهلي علموني ما استطاعوا وما لم يستطيعوا ، يجزيهم الله عني كل الخير، ما قصروا.


2 - البَرَد : الماء الجامد ينزل من السحاب قطعاً صغاراً ، ويسمى: حَبَّ الغمام ، وحَبَّ المزن. المعجم الوسيط - ص 48

آثرت أن أستخدم كلمة "بَرَد" لأن اللغة العربية الفصحى غالية عليّ ولا ينقص ذلك من مكانة اللهجة العراقية في قلبي، وبالمناسبة فإن البرد في اللهجة المحلية (الإماراتية) هو "حالوب" تماماً كما نسميه نحن في العراق.


3 - إن فقدان كلمة أو اثنين أو حتى لو عشرين أو خمسين كلمة من اللهجة العراقية لا يعتبر شيئاً يذكر ثمناً للغربة ، إن الثمن الذي ندفعه كمغتربين أكثر من مجرد لهجة بكثير .. بكثير جداً .. والله وحده يعلم بذلك.


4 - ما قولك عن العراقيين الأصليين الذين جاءوا من سنتين أو ثلاث ولا يتحدثون الآن إلا باللهجة الإماراتية ولا يعيشون إلا كما يعيش الإماراتيون ؟؟


5 - شكراً على التعبير الذي يقال على البرد "الحالوب" باعتباره سنون العجوز، فأنا لم أكن أعرفه .

غير معرف يقول...

والله يا اخ محمود
ابويه عايش حياته كلها بالعراق الى حد 4 سنين مضت
و هم يقول برد



والله غريبة الناس

!!!!!!!!!!!!!!!!!


سارة

*الخاتــــIraqi Ladyـــووون* يقول...

شنو محمود؟ شنو رأيك هم تجي تنطينا راشدي؟
و شكو من يمك زعلان؟
أشو آني هم من يمي زعلت و ما حبيت تعليقك أبداً..

ياي.. شفتي شون مطر؟ يجننن! بعد ما لاحت تباشير اليأس جتي هالمطرة و يا رب يااا رب يكون الله يستجيب كل أدعيتنا بهالمطرة.
حبيييبي برهومي و هو كاعد يكنس بجد و اجتهاد خخخخ، هو شيصير لج برهوومي؟

*الخاتــــIraqi Ladyـــووون* يقول...

شوف آني المطفية، عبالي ده أعلق على برهومي طلعت ده أعلق على البرد هههههه
آني ما أجوز، إلا أحط نفسي بهالمواقف البايخة.

عموماً، آني راحت علي،لما نزل البرد جنت بسابع نومة(النومة اللي قبل الثامن نومة) و ولا حسيت..

يلا ع الجايات، يعني إذا أكو جايات، لما يصير عمري.. ممممم

يلا تقبلي تحياتي

زهرة الراوي يقول...

ههههههههههههههههههه والله يا خاتون!
تباشير اليأس جديدة هاية هههههههههههه
إن شاء الله يارب يستجيب دعواتج بس كولي اتذكرتيني بدعوة منا لهنا؟؟


برهومي يصيييييييييييييييييييير
شوفي راح أكولج إياها مرة وحدة وركزي زين لأن شوية صعبة:
برهومي يصير ابن أخو عمي ، وبنفس الوكت ابن أخت خالتي .. وبيبيته تصير أم أبوية ، افتهمتي شي؟؟
يعني هوه ترة بتعبير آخر شوية أبسط: أخوية اللح هههههههههههه

حياتي برهومي خابصتكم بيه مو؟؟
هذا عيني تربيتي ومسؤوليتي من أول ما انولد، باعتباره بزر الكعدة وآخر العنكود.


لااااااااااااا حرامات مشفتي القصف؟؟ يالله على الجايات ..
لالالالالا أكو جايات إن شاء الله خاتون، تفاءلوا بالخير تجدوه يمعودة، ثم هذا شتاء عرضي بسبب ظاهرة الاحتباس الحراري، وآني أقدم اعتذاري للسيد شتاء لأن عبالي راح وخلانة، بس طلع أكثر وفاء من أن يدير ظهره ويمشي خطية.
فإن شاء الله كل شتاء عارض وإنتو بخير
والمرة الجاية أخابرج وأكعدج من النوم مهما كان رقم النومة .. أوكي؟؟

Heart Rose يقول...

لييييييييييش انت من وين تعرفها لبت عمتي حتى تعرف اهلها شمعلميها

والله عمتي زعلت من كلامك و رادت تجاوب عليك

صدك عيب

____

عاشت ايدج زهرة حبيبتي تجنن الصور
و "البــــــــــرد " يخخخخخخبل

*الخاتــــIraqi Ladyـــووون* يقول...

هارت روووووووز، مشتاقون
وينج حجية أشو مختفية من زماان، بس عجبني حضورج القوي، و المظهر البطولي اللي رجعتي بيه ههههههه
طبعاًزهورة تذكرتج بدعوة، و يارب الله يستجيبها.
تدرين لما قريت الحزورة هيجي فكرت بيها شوية و استنتجت إنه هو أخوج، بس بعدين إنتي غششتيني.. الله يخليلج برهومي و يتربى بعزكم.
أي عفية لازم تكعديني، بس عاد هي رح تجي مرة ثانية لو لا؟ هذا هو السؤال..

تقبلي تحياتي

زهرة الراوي يقول...

هلو روزة ..
أهم شي عجبتكم الصور، انقهرت عليكم إنتي وخاتون لأن مشفتوه، آني لو أدري أدك عليكم.

من عيوني خاتون أكعدج ليش لا؟
شكراً على الدعوة :)
ترة جواب الحزورة ممكن يكون ابن عمي، وأهم شي تلاحظين أنه "اللح" كأنما أكو أخ مو "لح"، بس يعني آني بس جنت دا أغشش *_^
تسعدني ردودكم دائماً

 

© Copyright يـوميـات مغتـربة . All Rights Reserved.

Designed by TemplateWorld and sponsored by SmashingMagazine

Blogger Template created by Deluxe Templates