1- ما هو أصل كلمة سافاري ؟
سافاري هي مصطلح غربي تم تحريفه عن كلمة (سافريّة ) العربية - بالمناسبة إحنا نقول سَفرة على الرحلة ، وهي مصغر سفر - ، الحديث عن السافاري هو حديث عن رحلات صيد الوحوش في أدغال إفريقيا.
2- ما هو النهر الرئيسي الذي يغذي بحيرة توركانا ؟
نهر أومو
3 - بحسب أبحاث الحمض النووي ، أين توجد أقدم قبيلة بدائية في العالم ؟
على ضفاف بحيرة توركانا
4- ما هي اللغة النيلية ؟
سافاري هي مصطلح غربي تم تحريفه عن كلمة (سافريّة ) العربية - بالمناسبة إحنا نقول سَفرة على الرحلة ، وهي مصغر سفر - ، الحديث عن السافاري هو حديث عن رحلات صيد الوحوش في أدغال إفريقيا.
2- ما هو النهر الرئيسي الذي يغذي بحيرة توركانا ؟
نهر أومو
3 - بحسب أبحاث الحمض النووي ، أين توجد أقدم قبيلة بدائية في العالم ؟
على ضفاف بحيرة توركانا
4- ما هي اللغة النيلية ؟
لغة من اللغات الشائعة بين القبائل في أفريقيا .
5- بعض قبائل إفريقيا والتي ينتشر فيها مرض الكزاز (التيتانوس ) ، تقوم بنزع الأسنان الأمامية لأبنائها ، لماذا ؟
5- بعض قبائل إفريقيا والتي ينتشر فيها مرض الكزاز (التيتانوس ) ، تقوم بنزع الأسنان الأمامية لأبنائها ، لماذا ؟
إن أهم علامات الكزاز هي تقلص الفكين بحيث يستحيل فتح الفم ، ويتحايل القوم هناك بهذه الحيلة - نزع الأسنان - لكي تسمح أسنانه المنتزعة بإدخال اللبن والماء إلى الفم المطبق .
6 - بعض قبائل أفريقيا تقوم بغرس سلك من الحديد في لحم فروة الرأس ، لماذا ؟
هذه هي أضمن طريقة لطرد القمل من الرأس ، والسبب أنهم لا يستحمون أبداً لندرة الماء .
7 - من مؤلف كتاب (إفريقيا ترقص) الذي يتحدث عن الحياة البدائية في إفريقيا ؟
جيفري جورر Gorer
8- (نوراد) ، هو مشروع أنشأ على ضفاف بحيرة توركانا ، لمساعدة الأهالي وتوطينهم ، لكنه يعتبر مضرب المثل في حماقة منظمات المساعدة الدولية ، ما هو هذا المشروع ؟
6 - بعض قبائل أفريقيا تقوم بغرس سلك من الحديد في لحم فروة الرأس ، لماذا ؟
هذه هي أضمن طريقة لطرد القمل من الرأس ، والسبب أنهم لا يستحمون أبداً لندرة الماء .
7 - من مؤلف كتاب (إفريقيا ترقص) الذي يتحدث عن الحياة البدائية في إفريقيا ؟
جيفري جورر Gorer
8- (نوراد) ، هو مشروع أنشأ على ضفاف بحيرة توركانا ، لمساعدة الأهالي وتوطينهم ، لكنه يعتبر مضرب المثل في حماقة منظمات المساعدة الدولية ، ما هو هذا المشروع ؟
تعتمد القبائل هناك على الرعي ، والرعي يتلف التربة ، وقبيلة التوركانا كثيرة التنقل مع مواشيها ، وهكذا تنتقل من أرض خصبة لأخرى ، فتقضي على الأخضر فيها وتتركها ، وهذا يجعل الأرض عاجرة عن الانتعاش بعد وقت الجفاف ، فقررت النرويج مساعدة هذه القبائل بإقامة مشروع لصيد الأسماك .عام 1971 جاءت بعثة لتدريب الأهالي ، ثم زودوهم بعشرين قارباً للصيد ، أنفق على المشروع مليونا دولار، وكانت التكاليف مروعة بالإضافة إلى الحاجة لتوليد الكهرباء لتشغيل ثلاجات الأسماك وسط الصحراء ، لكن الأهالي كانوا عنيدين ولا يحبون التغيير كعادة القبائل البدائية ، غير أنهم كانوا يعملون بالسخرة في مشروع الأسماك ويطلقون على البحيرة اسم ( أمانا إيمويت ) وهي تعني ( أرض العدو )!
ثم جاءت الكارثة فجف نهر أومو وغاضت مياه البحيرة ، وهكذا ماتت الأسماك وانتشرت التماسيح ، فترك التوركانا البحيرة وعادوا للمواشي.
9 - عرض لمرض خطير ، يلقب الأطباء هذا العرض بـ (زهور السوسن على ماء البحيرة)Lily on Lake ، فما هو المرض ؟
9 - عرض لمرض خطير ، يلقب الأطباء هذا العرض بـ (زهور السوسن على ماء البحيرة)Lily on Lake ، فما هو المرض ؟
الحويصلات المائية Hydatid cysts ، وهذا العرض يحدث للرئة ، فيعطي هذا المنظر الخاص الذي تبدو فيه الحويصلات كزهور على بحيرة ، الحويصلة المائية هي غشاء مليء بالماء ، يظهر في أماكن كثيرة ، والماء بداخل الحويصلة يحدث صدمة حساسية شديدة قاتلة غالباً ، ويحتوي الماء أيضاً على حويصلات صغيرة للدودة التي تسبب المرض ، وهذه الحويصلات تشبه الرمال ، وعند انفجار الحويصلة ، تستقر الحويصلات الدودية على أعضاء أخرى وتبدأ الدورة الخطيرة.
معلومات بسيطة من رواية جميلة - المعلومات من الصفحات 1 - 40 - فقط!
رابط الراوية:
9 التعليقات:
اتمنى لكم عودة سريعة الى الوطن الغالي وبالمناسبة هل تعرفين ماهوالفرق بين كلمتي متهجولة وكلمةمتجهولة والله الموفق خالد
اووووووخ
اويلي اويلي على الشعر الحلو
شنو هل حلوين!!!
لكم صدقة لالله
الله يخليه للواهس زهرة...توركانا وأومو!!!
هههههههههههههه بس لا والله من صدك خوش بحث
بس شوية يضحك
شوية يعني بصوزة (مقتبسة من المسلسل العراقي تحت موس الحلاق من بكللة وسازو دكم بصوزة)
خالد من العراق:
مممممممممممممم هذا سؤال للتحقق من الشخصية ؟ وأنه آني صدك عراقية ؟؟
هههههههههههههههه ، واضح انك من المهتمين بتأريخ اللهجة العراقية اللي راح تندثر لأن الناس اطشرت وكاموا يستخدمون لهجات أخرى أو يستبدلون بعض الكلمات حتى يصلون لتفاهم مع المخلوقات الفضائية الأخرى - باقي البشر -.
بالنسبة للاختبار : هوه الحقيقة يعني ما أعرف لكن ممكن أخمن .
كلمة متهجول أعرفها كالتالي: متهجول كلمة تصف الشخص المغترب الذي يعاني عدم الاستقرار واستمرارية الانتقال من مكان لآخر ومن بلد لآخر دون أن يجد الراحة والأمان.
أما متجهول يمكن يسوي روحة جاهل؟؟ ترة ما أدري!
أصلاً حتى العراقيين من مناطق مختلفة ميعرفون بكلمات في مناطق أخرى مو عاد العاشوا عمرهم برة! (دا أدافع عن نفسي مقدماً خاف غلط :) )
وشكراً لمرورك على المدونة ، ولي زيارة إن شاء الله لمدوناتك - ما شاء الله - .
أبو الحسن :
هههههههههههههههههههه
حراااااااااااام خطية ، ليش تحجي عليهم ، يعني لا ماي لا شامبو لا بلسم ، والله خطية ، بس هم منا لهنا ديرتبون روحهم!
ألف الحمد لله والشكر على النعمة .
وترة البصوزة جمبلة (بالباء) جداً لأنها حقيقية. ههههههههههههههه
زييييييييين البوتم لاين مثل ما يكولون ، أنه آني ما أحب أقرأ كتاب معلومات عن أفريقيا ، ولا ممكن أجيب في يوم كتاب عن أفريقيا وأكعد أقرأ بيه ، أكيد ينرادله خلك وطولت بال ، والموضوع مو كثير مشجع إلا إذا راح أروح هجرة لهناك!
لكن عن طريق القصة خفيفة الظل ، جيدة الحبكة ، جميلة الأحداث ، عرفت هاية المعلومات ، ومثل ما كلت آني ما كتبت كل المعلومات وإنما طلعت الموجود إلى صفحة 40 فقط ، والقصة من القطاع الصغير.
يعجبني جداً هذا الأسلوب في تحصيل المعلومة عن طريق المتعة.
طبعاً آني عندي الكتاب ، لكن السوفت كوبي تؤدي الغرض.
وإنتو بكيفكم ، بس ترة حلوة القصة.
تعليقا على خيالات
الظاهر انتي وخاتون تزامنت ضوجتكم في وقت واحد ما اعرف ليش
وشكلهة نفس نوع الضوجة
"آني أكيد قطعة أثاث بالزايد سيارة"
هو يا إما انتي قطعة اثاث أو يا إما تكونين وسيلة مواصلات حددي...
ثاني شي الضوجة لازم تاخذ وقتهة يللة تروح بعيدا
بس المهم انه انتي مو قطعة اثاث ولا اداة حلاقة
انتي (ولو اني ما اعرفج) وحدة وحسب ما مبين من كتاباتج انه انتي صاحبة مشروع وقارية وفاهمة
زين ثاني شي
"أصلاً حتى العراقيين من مناطق مختلفة ميعرفون بكلمات في مناطق أخرى مو عاد العاشوا عمرهم برة!"
ان شاء الله يجي اليوم اللي نطلع بي الاحتلالات كلهة من العراق (الغزو الفكري والغزو الأميركي والصهيوني والغزو الفارسي)
ذاك الوكت الكل يبدي يسوي هجرة معاكسة إلى داخل العراق الحبيب
نكتة: يكللج اكو واحد مغترب صارلة فد 450 سنة خارج العراق
رجع للبلد ومن وصلوا إلى داخل العراق نزل من الباص وحط جنطته بصفة ووكع على الارض حتى يقبل تراب الوطن، وإذا من يشيل راسة يدور على الجنطة ماكو، طلعت مبيوكة
باوع هيجي صفن جان يكول رجعنة على سوالف مال العراق
اندار على ابو الباص كللة درجعني ابوية رجعني الى الخارج
نستدل من القصة انه احيانا من الواحد برة يشوف بلدة هواية احلة من ما لو كان بالداخل
مدونتج كلش حلوة
بس انتظريني هل ويك اند الا اسوي مدونتي احلة من مالتج
عذرا على الاطالة
هههههههههههههههههههههههههههههههههههههههههههه خربت من الضحك وطارت كل الضوجة ، ههههههههههههههههههههه رجعني للخارج خخخخخخخخخخخخخخخخ
صحيح ، هوه أكيد أكو وجهة نظر بهالنكتة ، وأكيد حقيقية ، وأكيد العراق يبقة حاله حال أي بلد له سيئات مثل ما له إيجابيات ، وخصوصاً بالوقت الحالي سيئاته يمكن أكثر، بس يبقة أكو حب معين غريب لا يمكن تغييره ولا مسحه ولا تعديله ، حب خاص لمن الواحد يسمع كلمة عراق ، لو يسمع لهجة عراقية ، لو يشوف وجه عراقي ، إلا يرف القلب مو بإيدنه!
آميييييييييييييييييييييييييييييييييييين يارب يسمع دعاءك إن شاء الله.
"هو يا إما انتي قطعة اثاث أو يا إما تكونين وسيلة مواصلات حددي..."
ههههههههههههههههههههههههه والله ما أدري ، وكفت كدام المراية دورت على نقشات بوجهي كلت يجوز صرت قنفة ، دورت على عجلات من لهنا ملكيت!
"ثاني شي الضوجة لازم تاخذ وقتهة يللة تروح بعيدا "
لا لا لا ها هية راحت ، الحمد لله والشكر ، آني من أنام كلشي يصلح والحمد لله !
شكراً لأن دا تأكدلي أنه آني بشر ، الحمد لله والشكر ، يعني آني لعد مو غلطانة! ألف الحمد لله والشكر.
والله آني البارحة تحديداً للساعة 9:40 مساء جنت جداً طبيعية ومثل الورد .
أصلاً جنت نايمة ودا أحلم خوش حلم ، جنت دا أقدم على غير وظيفة والأمور جانت مبشرة بالخير ( بالحلم ترة).
ثم دق الموبايل ، شفت الرقم غريب، كلت خيراً إن شاء الله ورديت ، وشوية شوية كمت أصحصح وأفتح عيوني - طبعاً المتصلة أبد ما عرفت إني جنت نايمة - ، وراحت الأحلام مالت الخوش شغلة ، وانفرجت عيناني وانتلت وبديت أصخن ، وأختي جتي وكامت تهفيلي !!
والله والله لو أحجيلكم اللي صار ما راح تصدكون !
بس لأني شاعرة حالياً بالإهانة الشديدة ما أكدر أكوللكم!
بنفس الوكت أشو يكولولي إنتي متحسسة زايد ، هوه محد ديفتهمني لأن محد بمكاني.
عموماً آني ورة ما عيطت هنا كدرت أنام، ورجعت اليوم هم عيطت وهم نمت (يبدو دا أهرب من المواجهة) ، وسويت دولمة ، ويعني نسييييييييييت كلشي والحمد لله.
شكراً على ردك على خبالات وترة هيه خبالات بالباء ، ويعني بالأخير هيه صدك خبالات ، مو مثل خاتون خطية مصدومة وحيييل متأذية.
مدونتي ثرية بردودكم ومناقشاتكم ، شكراً :) وترة راح ننتظر مدونتك إن شاء الله.
السلام عليكم يا جماعة:
ياااا زهورة إنتي مسوية مدونة عذريني و الله ما جنت أدري، مبروك حبيبتي، و موضوع أفريقيا تره خوش موضوع، يعني نادر نسمع مثل هيجي معلومات و أكيد تعبتي بجمعها.. عاشت إيديج..
رح أحاول أسوي لي فرة بهالمدونة و أشوف شحاطة بيها فيكات
تقبلي تحياتي
وعليكم السلام
هلا بيج .. كل الهلا ..
الله يبارك بيج عيني ..
والله مو تعب معلومات إفريقيا ، لأن هيه موجودة بمكان واحد آني بس كتبتهة ، متتخيلين الكتاب شلون حلو ..
خذي راحتج وفري مثل ما تريدين ، دائماً راح أكون سعيدة بتواجدج
السلام عليكم ورحمة الله وبركاته.
أشكرك على التعريف بهذه القصة الرائعة، وأنا أحد المعجبين بمؤلفات د.أمحد توفيق، وبالذات سلسلة سفاري.
وكنت أتمنى أن أحصل على كتاب أفريقيا ترقص للمؤلف جيفري جور، لكني حتى الآن لم أجده.
وعليكم السلام ورحمة الله وبركاته.
أشكر مرورك أخي الكريم، والحقيقةأن الدكتور أحمد خالد ما قصر ما شاء الله أفادنا وامتعنا ولا يزال. وهذا أقل ما أستطيع أن أقدر به جهده.
أعتقد أن الكتاب لن يكون جميلاً ومشوقاً ككتابات الدكتور، لكن من الجميل على الأقل الإطلاع عليه.
إرسال تعليق