الأجواء البارحة كانت:
أمطار غزيزة + برق ورعد + جو حار رطب = أجواء غابات الامازون
بس بقة تتخيلون ماوكلي كاعد على جذع الشجرة، يمه الفهد آكيرا (يمكن هيجي جان اسمه) والأفعى ما أدري شسمهة مدندلة من الشجرة.
ها وقرد يكمز منااااااااا لهنااااااااااا
بس هم حلو المطر .. ياريتها تبقة تمطر .. الحمد لله والشكر ..
وهذا عيني برهومي في ساعة صفاء بعد العياط والعراكات، دينظف.. ميتحمل يشوف الطرمة شوية وصخة، ولا ينتظر المطر يوكف!
ترة ماما تكوللكم كولوا ما شاء الله على برهومي ، آني كلتلكم مو تكولون !
3 التعليقات:
ما شاء الله لا قوة الا بالله
بس اريد اكسر من جدية تعليقاتي الثقيلة الدم شوية فراح احجي هل نكتة اللي وصلتني قبل شوية وتنغصتلكم بيهة
يكلك اكو واحد ربح مليون دولار فراح يبشر زوجتة ومن الفرحة خطية المكرودة طبت ساكتة على كولة المصريين
جان هو يكول سبحان الله من يريد يجي الخير يجي كلة مرة وحدة
صدك حلو المطر والكراكيع
طبعا احنة بديرتنة ننتظر الكراكيع هيمتة تصير لانه سبحان الله وراهة مباشرة نروح ندور جمة (كمأ)، قصدي انه اكو فد فكرة ما اعرف شنو مدى صحة علميتهة، بس على العموم هي تكلج انه ورة الكراكيع الكاع تشيل جمة
بس صحيح فعلا هاي الحالة تصير بس ليش وشنو تفسيرهة ما عندي فكرة
اتذكرت الجمة وجعت بس ما اريد اكل لانه نعسان كلش
في تعليق قادم راح اكتب عن الجمة وانواعة بحسب تقسيمات اهل ديرتي ولهجتنة الدارجة هناك
لااااا ليش؟ تعليقاتك مو ثقيلة دم!
بس حلوة هاية هههههههههههههههههههه لازم المكرودة مطلعة روحه !! خطية!
على سيرة الجمة..
أعرف نفس المعلومات بس اللي أعرفه لازم المطر والكراكيع تكون بالشتة، والجو بارد، يعني هذا المطر الحار والكراكيع متنفع، لازم بموسم معين، هذا اللي أعرفه.
وبالمناسبة هنا بالإمارات جنا نحيش جمة من منطقة بجبل علي، جنة نروح سفرة بحيث نحضر شروق الشمس بالبر، والجو بااااااااااااااارد، نتريك ونكوم ندور. أما المكان اللي يطلع بي الجمة لازم تكون الكاع شوية مكبكبة (مرتفعة) ومفطّرة، وجنا نتسابق آني ووالدي، بس دائماً هوه يجمع أكثر من عندي :(
الله يعيدهة من أيام حلوة هئ هئ هئ
"في تعليق قادم راح اكتب عن الجمة وانواعة بحسب تقسيمات اهل ديرتي ولهجتنة الدارجة هناك "
راح ننتظر، لان عن نفسي كلش أريد أعرف، أول مرة أسمع أكو تقسيمات وأنواع وأسماء.
ملاحظة عابرة: الإماراتيين يسموه (فكع).
شكراً أبو الحسن على تعليقاتك على تدويناتي :)
وراح ننتظر أنواع الجمه
هاااااااا والله آني سامعة والدي يكول (شيخ) ، بس الباقي أسماء جديدة.
كلمة (انتج) انطتني انطباع تلقيط الجمة حقيقة وشلون نطلعه، بس ما أدري ليش احنا نكول (نحيش).
شكراً على المعلومات :)
خوووووووش أخيراً تحقيق صحفي، مو تخلينة ننتظر هواية، راح ننتظر التفاصيل: وين صارت الأحداث وشنو اللي صار وليش "مملوء بالسعادة" - إن شاء الله دائماً - ؟؟
شكراً شكراً حلوة هاية "الهوة بظهرج" جانت بيبي تكولياها الله يرحمهة
ما أدري اليوم ليش حيل على بالي بيبي وكلش مشتهية أروح لبيت جدو
أتذكر بيبي حبيبتي تكول:
سبعة جنج نبعة ..
جنج ريم الغزلاني ..
وكومة شغلات بس مو حيل أتذكرهة
إييييييييييييييييييييه
زين هيجي حتى معنى الجدة وحضن الجدة انحرمنة منه، لكل من يحسدنة على الغربة: قدروا النعمة اللي انتوا بيهة!
إرسال تعليق