skip to main |
skip to sidebar
من تصميم: العزيزة نسايم بغدادية
من أنا
جمعية المآب الخيرية
متهجـولــــــون فــي الغربـــــــة
هنـــــــا بغــــــــداد
تـــواريخ
- 7-12-2008 بدأت الحرب على غزة
- 9-4-2003 احتلال بغداد
- 13-2-1991م قصف وتدمير ملجأ العامرية
- 8-8-1988 م يوم النصر العظيم في معركة القادسية الثانية، وقد قال عنها الخميني (له من الله ما يستحق) أنه قد تجرع كأس السم عندما وافق على وقف اطلاق النار
- 6 كانون الثاني - 1921 عيد تأسيس الجيش العراقي
هـــــام
يستذكر الشعب العراقي والعربي ذكرى خالدة "الذكرى التاسعة والثمانون لتأسيس الجيش العراقي الأصيل في 6كانون2عام1921", لقد كان الجيش يمثل التلاحم الاجتماعي الوطني والسد العالي المنيع ضد طوفان الأطماع التوسعية الإقليمية والدولية, ,وأطلق عليه ألقاب شعبية وإعلامية أبرزها:جيش الشعب, جيش الأسطورة, الجيش العملاق, السد العالي , سور العراق, مصنع الأبطال, حارس البوابة الشرقية للوطن العربي,أسطورة العرب, صمام الأمان ..الخ, وكان رقما هاما في معادلة الاستقرار والتوازن العربي والمتصدي الشجاع ضد الأطماع والتهديدات الإقليمية والدولية طيلة سفره الخالد . http://mustafaaliraqi.blogspot.com/
وطني العـــراق
من تصميم: العزيزة نسايم بغدادية
المتابعون
حتة توصلكم المواضيع الجديدة ليمكم:
التصنيفات
- إبــــداع وقـــدرات (13)
- أحــــداث (41)
- إسلاميــــات (21)
- أفــــــلام (4)
- أماكــــن (9)
- حب (2)
- خواطـــــر (16)
- رأي (28)
- رمضانيــــات (8)
- سفــــرات (3)
- سوالـــــف (26)
- سياســــة (7)
- صــــور (25)
- طبــــــخ (4)
- عراقيـــــــات (16)
- غربــــة (5)
- فضفضـــــة (13)
- فيديـــــو (4)
- قصــص (12)
- كتــــب (5)
- معلومــــات (13)
- مقـــــالات (3)
- Computer (5)
اختـــاريتلكم
ربي قد وكلت إليك أمري كله ، وأسلمت بين يديك أمري كله ، فكيف أهان وعليك متكلي، وكيف أخيب وأنت أملي ، بيدك الخير إنك على كل شيء قدير، يا مالك الملك ، يا عالم الغيب والشهادة ، يا رحمن يا رحيم ، اللهم اكتب لي الخير حيث كان ورضني به.
---------------------
"from fail we learn, from success not so much!"
Meet The Robinsons - 2007
---------------------
"If you are going to do it, do it right or not at all"
Mad money
---------------------
"from fail we learn, from success not so much!"
Meet The Robinsons - 2007
---------------------
"If you are going to do it, do it right or not at all"
Mad money
الــــــزوار
|
|
الـــزوار
© Copyright يـوميـات مغتـربة . All Rights Reserved.
Designed by TemplateWorld and sponsored by SmashingMagazine
Blogger Template created by Deluxe Templates
9 التعليقات:
طبعا غني عن التعليق هذا الكليب
اني شايفة من قبل
لكن شفتة مرة اللخ على مدونتج
كلش حلو
كللش حلو خصوصا هذا الخيال اللي على الفرس بنهاية الكليب
كلش عجبني
بس بعدين فكرت كلت هذا وين راكب فرس؟؟؟
معقولة اكو معارك هسة تدور على ظهور الخيل
سبحان الله كلشي جائز
بس اكو كم شغلة ما اتمنيتهة تكون بالكليب
اول وحدة هي الشخصيات اللي طلعوهة
اني ما احب شغلة تكون فئوية
يعني اغلب الصور اللي طلعوهة هي عن فئة معينة
مع انه الشهداء بإذن الله هواية والمفروض انه اكو رموز من غير فئات او حتى رموز لا تنتمي الى فئة معينة
لانه من يطلعون صور من فئة وحدة بهيج حالة راح يحددون نفسهم بهاي الفئة والاسلام اوسع من فئة او حتى من فئات
مع تقديري لهاي الفئة واني اصلا من المناصرين لهذه الفئة
ثانك يو على الكليب
صحيح آني معك بأنه الإسلام أكبر من فئات ..
مع ملاحظة أنهم حاولوا أنهم يشكلون بالشخصيات بدليل وجود ناس قديمين مثل القسام والحسيني والبنا..
بس خلي نكول أنه إنت تريد تسوي كليب، ودا أدور على صور ناس شرفاء سووا أشياء عظيمة ضد الاحتلال، ودة تحاول تشكّل، لكن وجود أكثر الشخصيات من فئة معينة إنما يدل على أنه هاية الفئة أفرادها إلهم بصمة واضحة لا يمكن تجاهلها في وجه الاحتلال أكثر من غيرهم.
والكليب تم عمله من أجل غزة، أتخيل هذا سبب آخر لوجود صور من هذه الفئة لأنهم كانوا من ضحايا الحرب على غزة.
الله ينصر المسلمين وكل من كانت نيته أن يقاتل العدو.
شكراً على لفت الانتباه لهذا الأمر، لأننا فعلاً لا نميز بين فئة وأخرى إلا بالعمل الذي يقومون به من أجل الإسلام.
بالنسبة لي الكليب جميل لولا شوية إيقاع زايد بالنسبة لكليب جهادي، كما أني شعرت بضآلة دوري بالنسبة لأناس عظام أبطال كهؤلاء ..
اللهم قدرني لأعلم إخوتي ليكونوا كهؤلاء الأبطال وقدر لي ولهم ليكونوا في خدمة الإسلام.
ثانكيو أبو الحسن على التعليق :)
ولو تعليق بسيط ثاني
انه الفئة اللي دا اقصدهة هنا مو حماس
وانما الاخوان المسلمون
فلهذا لو تلاحظين انه بالكليب اللي عن غزة جان المفروض مثلا يجيبون اشخاص من غزة فقط ولكنهم جابو الامام حسن البنا، وهذا شخص عاش ومات بمصر، وجابو سيد قطب ونفس الشي وضعه، فكانا الاحرى بيهم ان يجيبوا اشخاص مثل عبداكريم الخطابي وعبدالقادر الجزائري وعمر المختار وشيخ ضاري وبعد وبعد
لكن المشكلة انه احنة بالوطن العربي دائما تلعب الفئوية دور قوي عدنة
اما لو اني اسوي كليب....
همممم
يمكن ما راح اجيب بي ولا صورة مال اي شخص
ليش ابو الحسن؟
هاااا اني اكلج
لانه الموضوع مو موضوع اشخاص وانما موضوع انجاز
والانجاز ما يكدر شخص واحد يحققة
فالمفروض استعراض فكرة وليست شخص
لانه ليس من الصحيح انه صلاحالدين الايوبي حرر بيت المقدس
ادري شنو كرندايزر؟
مئات الالاف من الجنود والعلماء والمثقفين والنساء والاطفال هيئولة الارضية اللي يكدر يقود بيهة هيجي معركة
فالبطولة بطولة امة وليست اشخاص
كافي لانه الحماسة زادت عندي وراح اكوم اهتف
بس المشكلة انه اني داخل المكتب كاعد
شكرا زهرة على العقلية مالتج الراقية
اشو التعليق البسيط الثاني طلع اطول من الأول ما اعرف ليش
اعذريني على الاطالة
أبو الحسن .. ياريت بعد متعتذر على أي إطالة لانها مو إطالة ، ولأنه التعليقات والمناقشات هيه اللي تنطي الموضوع معنى وهدف.
بالعكس آني أشكرك على التعليق وفتح باب النقاش بموضوع مهم.
زين نجي على التعليق .. أوكي آني جان عبالي حماس ، بس حتى لو مو حماس ، لو أي فئة مسلمة بالعالم ، المهم أنهم يسوون شي للإسلام .
هوه صحيح أكو أشخاص آخرين ممكن وضع صور لهم مثل الذي تفضلت بذكرهم ، لكن برأيي مسالة وضع صور هؤلاء الأشخاص القصد منه مجرد رمز ، ونحن نحتاج للرمز والقدوة .
يعني وضع أشخاص قديمين يدل على أن الإسلام كان ولا زال وسيظل محارباً – بفتح الحاء – وأنه لابد من التضحيات في سبيل ما نؤمن به ، وأنه الحق مهما خسر او تعرض لنكسات سيعود يوماً ويعلو وينتصر.
"لكن المشكلة انه احنة بالوطن العربي دائما تلعب الفئوية دور قوي عدنة "
هاية صحيحة وما عليهة كلام
إي .. نرجع لكون الصور والشخصيات عبارة عن رمز ، ونجي على موضوع صلاح الدين ، صحيح صلاح الدين وحدة ما جان كدر يسوي شي ، لكن أيضاً جيش صلاح الدين وحدة أو تحت قيادة واحد آخر ما جان أنجزوا نفس الإنجاز.
لأن الإنجاز عبارة عن وقت ومكان ، وكل الأشخاص ، فالجيش قوة ، وأكيد جيش صلاح الدين جان جيش من المسلمين الحقيقيين ، اللي ما رايحين يقاتلون من أجل غنائم أو شي ، وإنما من أجل النصر أو الشهادة، كما أنه لا شك أنه لولا قيادة صلاح الدين ، وخبرته في تسيير الجيش ، وتشيشيهم من أجل القتال والجهاد ، وحسن التخطيط، وقتاله هوه معاهم مو وراهم ، وكونه تحرك حتى يحرر القدس بعد ما تركها المسلمين كل الفترة الطويلة السابقة ، كونة شايل هم أرض مسلمة ، ومسرى الرسول صلى الله عليه وسلم ، وشعر بأنها مهمته هوه ، وحلم بالفتح ، وقاتل من أجله ، جان ما شفنا لا نصر ولا تحرير للقدس.
صحيح صلاح الدين مو كريندايزر ، لكن جيشه أيضاً مو كريندايزر، اجتماع الاثنين ، القائد العامل الملهم المجد المجتهد الذكي والشجاع ، والجيش المسلم المستعد لبذل نفسه في سبيل الله، لذلك دائماً يذكر صلاح الدين عند ذكر تحرير القدس ، لأنه كان القائد ولأنه كان سبباً رئيسياً في التحرير ، لكن أيضاً لا ينقص ذكره من ذكر فضل جيشه.
يعني يمكن الآن أكو الكثير من الشباب المطشرين في كياعين الأرض يريدون يقاتلون ويجاهدون ضد أعداء الإسلام ، كأمة وكجيش هم موجودين ، لكنهم كأفراد لن ينجزوا دون قيادة وإشراف وإلتزام.
فالإنجاز هو كل شيء ، أما رمز الانجاز فيكون أكثر الأشياء وضوحاً أو المحرك الأساسي للعمل.
إن شاء الله يجي اليوم اللي نهتف بيه لقائد فاهم مسلم مضبوط يتبع القرآن والسنة ، وجيش مسلمين مستعد للبذل ، ونصر محقق بإذن الله.
لكن اني ابدا ما شفت بالتاريخ ذكر لصانع مسلم أو لحرفي مسلم أو لخياطة مسلمة او لإمرأة تربوية مسلمة يعني دائما تاريخنا مكتوب في عهد القائد فلان الفلاني اللي تميز بالصفات كذا وكذا وكذا ويسوون اخلاقة وعباداته كأنما واحد من الأنبياء، ولهذا الشباب المراهقين وحتى الكبار من يشوفون هيجي سمو بالصفات يحسون أنه لا أمل من حياتهم مقارنة بهل نماذج
أني قصدي انه أني ابدا ما سامع شيخ أو قاري قصة عن التاريخ الاسلامي متكلمة عن واحد جان رهيب في صناعة السيوف مثلا أو في معاملة الأطفال وتعليمهم اللغات
حتى لو موجودة هل معلومات في المراجع التاريخية لكن ابدا دورها مو ظاهر
مما يعني انه اكو شي غلط بالتاسيس التربوي عدنا ولهذا دائما نركز على القائد العسكريين في حين ان دورهم بالمجتمع حالة من حال دور أي احد اخر بالمجتمع
يعني العالم مال الكيمياء اللي تطك عليه الانبوبة وهو يعمل ويموت على اثرها فهذا قمة التضحية بالنسبة الة، لانه هو شخص ما يعرف ييشيل سيف لكن يعرف يسوي صابون ويعرف يسوي تحلية مياه حتى الناس تظل عايشة
الحياة شي متكامل ولهذا الرسول صلى الله عليه وسلم يقول "....كالبنيان المرصوص" هذا البنيان لو كان كله محاربين جان بأول ضربة انهار البنيان كله
فلهذا الرموز ليسوا فقط الاخوان وليسوا فقط حماس وليس فقط الجناح العسكري في هذا التنظيم وذاك وانما هم علمائنا اللي استشهدوا على ايدي المليشيات الصهيونية بالعراق وغير العراق وهم قادتنا العسكريين اللي استشهدوا على ايدي الصفويين داخل العراق وهم الطلاب اللي هاجروا خارج العراق وخارج فلسطين وخارج كل ارض مسلمة حفاظا على حياتهم وعلى علمهم وعلى عوائلهم
بس تعال جيب اللي يكتب التاريخ مرة اللخ حتى نعرف هاي الجنود المجهولة ونقدرهم حق قدرهم
همممممممممممممممم
والله كلامك صحيح ..
يعني التاريخ ما أرخ ولا حجى عن الناس العاديين ، بس عن القادة ..
وهاية نقطة تحسب ضد المؤرخين .
هوه بس هم أكو تأريخ ، بس بسيط للعلماء المسلمين وإنجازاتهم، مشكلتنه أنه احنا ما ندرسه بالمدارس، ولا نستخدمهة بالدعاية، يعني مثل اليهود اللي سووا من الهولوكوست ملحمة وقصة طويلة وعريضة ، بينما احنة عدنه المواد لكن منعرف نستغلهة ونرفع من مكانتنه بين الأمم .
عجبتني فكرة : "هذا البنيان لو كان كله محاربين جان بأول ضربة انهار البنيان كله"
معك معك ..
أعترض على نقطة وحدة: "ولهذا الشباب المراهقين وحتى الكبار من يشوفون هيجي سمو بالصفات يحسون أنه لا أمل من حياتهم مقارنة بهل نماذج"
ليش ديحسون أنه لا أمل !! بالعكس ، مثل ما أكو ناس مستواهم جداً متدني ، ونشوفهم ونعرف عنهم ، ونقارن روحنه بيهم ونكول الحمدلله ، لازم أكو ناس مستواهم جداً عالي حتى يصير أكو توازن ، وحتى لا نغتر بنفسنة ونوكف ، بل حتى نبقة نحاول نحسن من نفسنه ، وهم أكو ناس وسط ، والواحد بإمكانه أن يمشي على الوسط ، أو أن يدفع بنفسه للأعلى أو للأسفل.
الناس التوب المفروض يكونون دافع إلنه ، يعني لمن نشوف أكو ناس توب ، معناها أنه التوب هو مرحلة ممكن الإنسان إنه يوصللها وميحتاج قوى خارقة ، بس جهد وعمل وعزيمة ، فهذا يدفعنه للعمل أكثر وأكثر .
زيييييييييييييين برأيك يجي يوم ويكتب التاريخ أنه في عصر التخلف والجهل جان أكو واحد اسمه أبو الحسن ، فكر يسوي مجلة ، وجمع ناس وسووا مجموعة وسموا نفسهم المتهجولون في الغربة ، وأصدروا مجلة وسووا بلوج ، وجانوا ديحاولون يسوون نهضة !!
هههههههههههههههههههههه
ويدرسوه بالمدرسة ، بالمناهج الجديدة "الثورة التي بدأت صغيرة ، ماذا حصل؟؟"
ها وامتحانات صعبة نياهاهاهاهاهااااااااا شكد آني شريرة ، وأكيد طبعاً متواضعة هههههههههه
هاي آني شكد نعسانة !!!
زهرة عبالج شقة الموضوع؟؟؟
ههههههههههههههههه
هسة يكولون وكانت هناك بنت اسمها زهرة وقد كانت فتاة في قمة الحيوية والنشاط في العمل من اجل الاهداف واعلاء كلمة الله
وقد قيل في احدى الروايات انه كان قد تم لها الاتصال باحد كواكب المجموعة الشمسية وبالفعل قد بدأت تحكي لغة القوم الذين يدعون "إليينز" وهي لغة غريبة بالمناسبة ههههههههههههههههه
صدكيني ما ان تكوني شخصية عامة حتى تبدا القصص والحكايات تحاك في اذهان الناس ويبدأون يصدقوها ومن هذه القصص الزين ومنها الشين مع الاسف
"زيييييييييييييين برأيك يجي يوم ويكتب التاريخ أنه في عصر التخلف والجهل جان أكو واحد اسمه أبو الحسن ، فكر يسوي مجلة ، وجمع ناس وسووا مجموعة وسموا نفسهم المتهجولون في الغربة ، وأصدروا مجلة وسووا بلوج ، وجانوا ديحاولون يسوون نهضة !!
هههههههههههههههههههههه
ويدرسوه بالمدرسة ، بالمناهج الجديدة "الثورة التي بدأت صغيرة ، ماذا حصل؟؟""
طبعا هي الفكرة مو مجلة بالحقيقة وانما هي فكرة تبدأ بأول مرحلة وهي البلوج والمجلة الإلكترونية
وفي احدى المراحل القادمة بإذن الله راح تكون المجلة المطبوعة
والمراحل الباقية قليلة لكن مدروسة بعناية ومستندة على فقه الواقع، بس على عنادج ما راح اكلج على المراحل الباقية هههههههههههههههههههه
اكلج هاي على فيديو كليب واحد سوينة هلكد تعليقات، لعد لو شايفين فلم الرسالة جان سويناهة ظلمة هنا بالمدونة
الله يباركلج بالمدونة مالتج
ويسددج دائما
هييييييييييي
يا إلهي .. لقد انكشف عملي السري، وعرف الناس أني أتكلم مع "القوم الذين يدعون إليينز" وعندي اتفاقيات معهم !!
هههههههههههههههههه
شكراً على الإطراء أبو الحسن وإن شاء الله أكون عند حسن الظن ونسوي شي بإذن الله.
"صدكيني ما ان تكوني شخصية عامة حتى تبدا القصص والحكايات تحاك في اذهان الناس ويبدأون يصدقوها ومن هذه القصص الزين ومنها الشين مع الاسف"
مثل ما يكولون : دائماً هناك أعداء للنجاح! وهذا ثمن لازم نتقبل ندفعه إذا احنا صدك نريد نسوي شي، لأن احنة ميهمنة الناس بل رب الناس.
زين على الأقل هسه أعرف الخطوتين الجاية ، والباقي إلا أعرفه بوكته ههههههههه.
ترة هو عدد التعليقات يدل على وجود نقاش ، والنقاش فدشي كلش مفيد، آني عن نفسي أكون تعرفت على جوانب معينة آني مجنت منتبهة إلها، وأتعلم تقبل رأي الآخرين لمن يكون أكو اختلاف بالرأي ، وقبلها محاولة الإقناع برأيي بالأدلة ، أو إني أكون open minded وأوسع فكري ليتبنى آراء ممكن تكون مخالفة لآرائي وممكن أشكك في آرائي إذا ما عرفت أدافع عنها لأني بالأخير بشر جائز جداً أن أكون على خطأ.
وبلكي أكو ناس تقرأ وهم تستفيد .
هذا وأكثر أستفيده من النقاش، لذلك أحب النقاش ، فهو يزيد لي ولا ينقص مني.
شكراً على الحوار ^_^
إرسال تعليق